ahapeka

Imagina ditzakeen sirenak karrasika

euriaren ateri bulta laburretan

eta haserrez pintatu hormak

manifestaldien ondoko gau ilunetan

imagina dezakeen

horma berdinek gorderen dituztela

herdoilak irentsi lantegi abandonatu zenbait

eskugabezia imaginatzen duna?

nolabait tabernako aire keztatuan

hedatzen dun grisaren zorigaitza

sirenak karrasika

medikua non dago

imagina ditzakeen beldur barneratuak

gorrotoak latzak

gureek irabazi dute egun

pentsa ezan

hasgabezia imaginatzen duna?

plaza arroseko jargi publikoetan plegaturik daudenek

kontatuko dinate

nola erre zen Z.ren fabrika urte asko duela

gero gabezia imaginatzen duna?

eta hor nagon

euriaren ateri bulta laburretako balizkako lehorretan

grisaren usaina larrutik

ken desiraz

hitaz ametsetan

arrotzen ugarte uhargia haizelakoan.

Listen Now:

 Standard Podcasts [ 1:33m]: Play Now | Play in Popup | Download | Embeddable Player | Hits (4)